岩板淺談及解構
近年除咗石英石，大理石，人造石，愈來愈多人選用岩板作為裝修物料。但究竟係咩原因令岩板嘅受歡迎程度與日增長呢？就等小編同大家解構一吓!
「岩板」英文係「Sintered Stone」，意思為「燒結的石頭」，由天然原料（二氧化矽、無機黏土、長石粉等）經特殊工藝，採用萬噸壓機系統，喺1200℃以上的高溫燒製後，成為不可滲透嘅固體基質，其表面不易被腐蝕，刮擦，燃燒或耐污。係一種新型的材料，屬於板材嘅品類，我哋可以理解為從陶瓷大板同陶瓷薄板中衍生出嚟嘅升級版或係新品類，因為擁有出色嘅物理性能同強大嘅跨界應用功能，成為環保材料超新星，備受設計師推崇與喜愛。
岩板6大優點：
1.質感好，外型高檔
無論作為裝修物料定係傢俱，喺確保其實用性嘅基礎上，外觀因素無疑係先決條件。而岩板能做出嚟嘅色澤同花紋都有住好High Class嘅感覺，而且適合不同嘅裝修風格，以近年流年嘅奶油風為例，選擇淺色系嘅岩板就顯得品味時尚；另外，以簡約風或輕奢風為例，選擇深色岩板作為裝修物料定係傢俱，絕對能讓你嘅家居生色不少！
2.容易打理，不留污漬
優質岩板喺加工中，經高壓設備處理後，令表面唔會有罅隙，能夠實現納米級嘅防滲漏效果。呢個優點真係太重要喇！清潔嘅時候只需喺岩板上輕輕一抹，一切就能光潔如新。
3.硬度高，耐刮耐磨
岩板加工時所用的工藝特點，令的岩板具備極高的硬度，日常使用中即使係刀刮、用鋼絲擦清潔都冇問題。合格岩板嘅耐磨度能夠達到6-7度莫氏嘅硬度，日常使用嘅耐磨程度根本就毫無壓力。
4.可抵禦極高溫度
岩板和陶瓷一樣，生產中的燒制溫度保持在1200℃以上，咁高溫就確保咗岩板優秀嘅耐高溫性能。日常使用中喺浴室或廚房都無需多顧慮，直接將熱水放喺岩板上都唔會有問題。
5.環保衛生
岩板經過高壓、高溫後嘅材質非常穩定，而且岩板嘅原料是天然的石粉，所以岩板絕對環保衛生。使用中，我哋可以直接喺上面擺放食材，甚至可以喺上面切生果、做料理焙或者做烘焙或。
6.堅固耐用
鑒於前面所講嘅岩板耐磨、耐高溫等特性，呢啲先決條件做咗岩板成為一種非常穩定嘅材料，所以如果你挑選時再注意一下周邊嘅搭配，咁你屋企嘅岩板就可以用上幾十年，因為佢就係如此嘅耐用。
